Yesʉ alamya babenzɨ ikumi
11 Yesʉ abere anemʉya ɨYerʉsalemʉ, mwatsʉka mo mʉhathɨ w’ekɨhʉgo ky’ɨSamarɨa na ky’iNgalilaya. 12 Abere anemwɨngɨra mʉ muyi mʉgʉma, babenzɨ ikumi mobayahindana naye. Mobimana hale.17:12 Mo Mʉgomba wa Mʉsa omʉbenzɨ athabyaga atholere ibya hofɨ n’abandʉ abathalɨ babenzɨ. Soma Balawi 13:45-46. 13 Mobathanga ɨhambala bathɨ: «Nyinya-kowethʉ Yesʉ, ʉthʉshashɨre!»
14 Yesʉ abere ashʉngabo mwabwɨrabo athɨ: «Muyayikangye ko baheri.17:14 Soma Balawi 14:2-3.» Babere bakɨnalɨ mo nzɨra balɨ abayayo mobalama.
15,16 Mʉgʉma wa kʉbo abyaga Mʉsamarɨa. oMʉsamarɨa oyo abere ashʉnga ko amalama, mwashʉba enyuma mwagenda niasingya Gongo mʉ mʉlenge mʉnene. Mwinamya obʉsʉ bʉwe ihika ko kɨthaka embere s’ebɨshando bya Yesʉ n’ɨmʉbwɨra athɨ wamashingya. 17 Aho Yesʉ mwanegena athɨ: «Bathalɨ babenzɨ ikumi bo nyithalamya? Abandɨ mwenda balɨ hayi? 18 Hathalɨ kiro n’omʉgʉma wa kʉbo yo wamashʉbʉla bʉshana n’isingya Gongo, he yo ʉthalɨ Muyuta oyu mʉsha!» 19 Aho Yesʉ mwashʉbamʉbwɨra athɨ: «Wimana ʉyɨgendere, olwɨkɨrɨtsyo lwawe lwamakulamya.»
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)