Ndandililo 45

Che Yusufu akulimanyukusya

1 Pelepo che Yusufu ŵalepele kulisiŵila paujo pa ŵandu uŵalongene nao, ŵanyanyisye achitiji "Ŵandu wose ajaule paasa." Nipele che Yusufu ŵalimanyukwisye kwa achakulu ŵakwe pangapagwa ŵandu ŵane. 2 Nambo ŵalisile mwakupikanika mwakuti ŵandu ŵa ku Misili ŵampilikene, ni ŵandu ŵa mu nyuumba ja Falao ŵalipilikene nombe. 3 Che Yusufu ŵaasalile achakulu wakwe, "Une ndili che Yusufu, atati ŵangu ali jwanjumi?" Nambo achakulu ŵakwe ŵagambile jasaa paujo pao ni kulepela kwajanga pakuŵa ŵakamwilwe ni lipamba.