यहेजकेल 16

36 प्रभु यहोवा न्यू कहवै सै: तन्‍नै जो व्यभिचार म्ह घणी बेशर्म होकै, अपणा शरीर अपणे दोस्तां ताहीं दिखाया, अर अपणी मूरतां तै घृणित काम करे, अर अपणे बाळकां का लहू बहाकै उन ताहीं बलि चढ़ाया सै, 37 इस करकै देख, मै तेरे सारे दोस्तां नै जो तेरे प्यार करण आळे सैं अर जितन्या तै तन्‍नै प्रीति लगाई, अर जितन्या तै तन्‍नै बैर राख्या, उन सारया नै च्यांरु ओड़ तै तेरै खिलाफ कठ्ठा करकै उननै तेरी देह नंगी करकै दिखाऊँगा, अर वे तेरा शरीर देखैंगें।