नसीअता 6

आल़सी ऊणे ते बचणा

6 ओ आल़सी, मकोड़िया गे जा;

तिना रे कामो पाँदे त्यान देई की बचार कर,

तेबे तूँ अक्लमंद बणी जाणा।

7 तिना रा ना तो कोई न्याय करने वाल़ा ओआ,

ना परदान ओर ना तिना पाँदे कोई राज करने वाल़ा ओआ,

8 तेबे बी सेयो आपणे खाणे रिया चीजा तूपा पाँदे,

ओर फसल बाडणे रे बखते कट्ठिया करोईया।

9 ओ आल़सी, तूँ कदुए तक सऊँदे रणा?

तूँ आपणियां नींजा ते कदी जागणा?

10 थोड़ा जा ओर सुती लओ, थोड़ा जा नींजा रा एक ओर टमका लई लओ,

ओर छातिया पाँदे आथ राखी की लेटेया रा रया,

11 तेबे तेरी गरीबी बाटा रे लुटेरेया जेड़ी

ओर तेरी कमी अथियारबन्दो जेड़ी आऊणी।