REV - BUU 19

Inji ri hon Nghima Kinklan

11 Imba me to shu wulu ka bu, nga me to nghima kinklan. Wa yonde nji riwa ari hon nghima ri nji riwa wa nghime wu nga kpunji; Rimi kpunji nye ari bla tre nga ran ti kuu riwu 12 Isi wan ka he ka nzan wulu, nga ka son wa ntan tu riwa chu kigbu ri tu wan. Wa ngha nde ri kpa wan riwa wawu nkshiwan nye a to nde ko a he ngye nye. 13 Itsro riwa a sua he kpikpa yii. Ndeh wan a he<<Itre Izhi.>> 14 Wa klukpa wa shu waka hu, wa hon wa nghima nga wari su tsro dindi lilin ri kinklan. 15 Nji ngban ri ka zhu ri nyu wan ye, riwa riwu nye ari han gbengbren wa gbu. ari son ri kpanchi ritu mba ri wo ri krefi, nga ari chan wa wɨlo inabi ri bubu shibi ritu fu Izhi. 16 Ri tsro wan nga ri ngban wan, wa ngan nde riwa a tre ri: <<Ichu wa chu nga Bachi wa Bachi.>> 17 Imba me ka to vren ko Izhi riwa son Izhi. A kpagro ri raan gbangban ri wa chenchen wawa wa kan ri shi ri: <<Ye bi ri ye kabru ritu nchon ro riwa Izhi! 18 Ye tan nɨma wa chu, wa rinko wa klukpa anga wa klukpa, inɨma wa nghima nga nji wawa wa hon wa, inɨma wa nji wawu, wawa wa he gran nga wawa wa ren he gran ran, wa rinkon nga wa tsitsa!!!>> 19 Imba me ka to meme nɨma ri nga wa chu gbungblume nga wa klukpa mba wa kabru wa ri ti ku ri ri nji riwa a ran hon nghima-a nga wa klukpa wan. 20 Waka vu meme nɨma, wawu nga nji ri la tre ri kusi ri che riwa a ti kya ri de sisiri ri kusi wan. (A he ri kya ri de sisir nye riwa a gyuru wawa wa he ri inkpan riwa meme nɨma-a nga wawa wa kɨbu ngbazhu ri wu meme nɨma.) Meme nɨma nga nji ri la tre ri kusi ri che Izhi a vu wa haha mba ta sro ri wulu waka gon ri hwi wulu. 21 Izhi a wuu wa lokpa mba ri nji ngban riwa a zhu ri nyu wawu riwa a ran hon nghima; nga wa chenchen wa tan nɨma mba.