41 Yobobo batambula mambu ma Petelo babotoko. Mpe kilumbu bekyokyo, mafunda matatu ma bantu mabwesama mu kabu di minkwikidi.

42 Batatamana mu yuwa ndongosolo yi zintumwa, mu kintwadi ki zimpangi, mu mbukununu yi dimpa*2.42 Mbukununu yi dimpa Kudya bindya bi kintwadi na kudya ha meza ma Mfumu, na mu lusambulu. 43 Bamvimba bayiza ba na bunkuta mu dyambu di bidimbu na bimangu bibingi byedi hilama mu nzila yi zintumwa. 44 Bamvimba bakwikila, bayiza ba muntu wumosi na babunda ha kimosi bimvimba bi ba nawu. 45 Bedi yadikanga mpangu zawu na bimvwama byawu, na bedi kabulanga mpe mbongo zibedi bakanga mu kintwadi bonso bubela nsatu zi muntu-muntu. 46 Kadi kilumbu batatamana mu vukana mu nzo-Nzambi. Mu kintwadi, bedi kabulanga ha kimosi dimpa mu zinzo, mpe mu kyese na mu mutima wukuluka bedi dilanga bindya byawu. 47 Bedi kembilanga Nzambi, mpe bantu bamvimba bedi batyanga. Kadi kilumbu, Mfumu wedi bwesanga mu kabu dyawu yobobo bedi bakanga mpulusu.