Salmos 29

S’oossaa Kooshshaa Wolk’k’aa

Daawita mazamuriyaa

1 Hinttenoo saluwaan de’iyaa med’etatoo,

Med’inaa Godaabaa odite;

«Bonchchuunne wolk’k’ay Med’inaa Godaawaa» giide odite.

2 Med’inaa Godaa bonchcho suntsaa galatite;

Aa geeshshatetsaa puulaw Med’inaa Godaw goyinnite.

3 Med’inaa Godaa guntsay haatsatuwaa bollan sisettee.

Bonchcho S’oossay guuguntsaadan guummee;

Med’inaa Goday wolk’k’aama haatsatuwaa bollan guummee.

4 Med’inaa Godaa guntsay wolk’k’aama;

Med’inaa Godaa guntsay, «Hoola!» giissiyaawaa.

5 Med’inaa Godaa guntsay zigatuwaa mentsereetsee;

Liibaanoosa giyaa biittan de’iyaa zigatuwaakka,

Med’inaa Goday mentsereetsee.

6 Liibaanoosa deretuwaa galo maraadan buraak’issee;

Siriyoona giyaa wolk’k’aama deriyaa Mentsaadan p’is’s’illissee.

7 Med’inaa Godaa kooshshay,

walk’k’antsaa wolk’k’amissee.

8 Med’inaa Godaa kooshshay bazzuwaa k’aatsee;

Med’inaa Goday K’aadeesa Bazzuwaa k’aatsee.

9 Med’inaa Godaa kooshshay wolatuwaa k’aatsee;

mitsaa haytsaakka k’ok’k’ofee.

Yaatina, I de’iyaa sa’aan de’iyaawanttu,

«Bonchchuu S’oossaw gido» yaagiino.

10 Med’inaa Goday di’uwaa haatsaa bolla bare kawutetsaa araataa wotsiide utteedda;

Med’inaa Goday bare kawutetsaa araatan uttiide,

med’inaw kaateteedda.

11 Med’inaa Goday bare asaw wolk’k’aa immee.

Med’inaa Goday bare asaa sarotetsaan anjjee.