1 Abeet Med’inaa Godaw, ta morkketuu ayaa c’oratteeddinoo!

Ta bolla aappunatuu denddiinoo!

2 Darotuu, «S’oossay Aa ashshenna» yaagiide

tawaa haasayiino.

3 Shin abeet Med’inaa Godaw, Neeni ta yuushshuwaan gonddalle.

Taana bonchchissiyaawenne ta suntsaa d’ok’k’u ootsiyaawe neenattee.

4 Taani ta k’aalaa d’ok’k’issaade Med’inaa Godaakko waassay.

Bare geeshsha deriyaappe taw I zaaree.

5 Med’inaa Goday taana naagiyaa diraw,

taani gisaade gem"ishaynne beegottay.

6 Taani taana dooddiide denddeedda,

tammu sha"aa asatookka yayyikke.