4 Taani neena, ne s’alala naak’k’aad;✝51:4 Rom. 3:4

ne ayifiyaa sintsan iitabaa ootsaad.

Hewaa diraw, haasayaaddekka neeni likke;

pirddaaddekka neeni s’illuwaa.

5 Taani yelettoodeppekka tumu nagaranchcha;

ta aatti uluwaan biro attiyaa wodeppe doommaadekka,

taani nagaranchcha.

6 Hekko neeni wozana giddo tumatetsaa koyaasa;

hewaa diraw, ne aad’d’eeda eratetsaa ta garssan tamaarissa.

7 Hiisoop’p’iyaa giyaa bonc’c’iyaan neeni taana geeshsha;

taani geeyana.

Taana meec’c’a;

taani shachchaappe aad’d’aade boos’s’ana.

8 Neeni taana nashshechchaanne

hashshu giyaawaa sisa;

neeni taana mentsereetseeddabaa gidooppekka,

zaaraadde nashshechchaa.

9 Ta nagaraappe ne sintsa wora zaara;

ta iitatetsaa ubbaa k’uc’c’a.