1 Med’inaa Godaa galatiyaawe lo"a.

Abeet Ubbaappe D’ok’k’iyaa S’oossaw,

ne suntsaa sabbiyaawe lo"a.

2 Wonttan aggena ne siik’uwaa,

k’amman ne ammanettiyaawaa gidiyaawaa awaayiyaawe lo"a.

3 Tammu bak’etsaan waas’etteedda diitsaanne,

maasink’k’uwaan diis’s’iyaawe lo"a.

4 Ayaw gooppe, Abeet Med’inaa Godaw,

ne wolk’k’aama oosuwaan

taana nashechcheedda diraw,

ne kushiyaa oosuwaa diraw,

taani nashshechchaw yes’s’ay.

5 Abeet Med’inaa Godaw, ne oosuu ay keeshshaa gitee!

Ne k’ofay ay keeshshaa c’iimmee!

6 Eeyya Asay eranaw danddayenna;

donc’c’illeedda asaykka akeekanaw danddayenna.

7 Hewenne, iitatuu maataadan dic’c’ooppekka,

iitaa ootsiyaa ubbatuu daashooppekka,

unttunttu med’inaw d’ayana.

8 Shin abeet Med’inaa Godaw,

neeni med’inaw ubbaappe d’ok’k’a.

9 Abeet Med’inaa Godaw, ne morkketuu d’ayanawaanne

iitaa ootsiyaa ubbatuu tiskki gaanawaa nuuni eretto.

10 Ta kac’iyaa bazzuwaa mentsaa kac’iyaadan d’ok’k’issaadda;

lo"o zayitiyaa taana okkaadda.

11 Ta morkketuu s’oonetteeddawaa ta ayifiyaan be’aad;

ta iita morketuwaa waasuwaa ta haytsaan sisaad.

12 S’illotuu zambbaadan daashana;

k’ay Liibaanoosa zigaadan dic’c’ana.

13 Unttunttukka Med’inaa Godaa dabaaban toketteedda mitsaa mala;

unttunttu nu S’oossaa Geeshsha Golliyaan daashana.

14 Unttunttu ec’iidekka ayifana;

unttunttu med’inaw irs’s’anne pas’a.

15 Unttunttu, «Med’inaa Goday suure;

I taw wogga zaallaa; iitatetsi aan baawa» yaagana.