Lucas 14

Jesus heelt aum Sabat

1 Un daut passieed, aus Hee aum Sabat en daut Hus von eenem Väaschten von de Farisäa kjeem, toom Broot äten, daut see no Am opppausten. 2 Un kjikj, doa wia een Mensch ver Am, dee wia wotasochtich.*14:2 wotasochtich: Von Wota jeschwolne Feet ooda Henj. 3 Un Jesus funk aun un säd to de Jesaz-Jelieede un Farisäa: Es daut erlaupt, aum Sabat to heelen? 4 See oba wieren stell. Un Hee foot am aun un heeld am un leet am gonen.