1 Un Jesus roopt siene twalw Jinja no sikj un jeef äant Vollmacht äwa onreine Jeista, dee rut to driewen, un jieda Krankheit un jieda Jebräakjnis to heelen. 2 Dit sent de twalw Apostel äare Nomes: De ieeschta Simon, dee Petrus jenant woat, un Andreas, sien Brooda; Jakobus, de Sän von Zebedäus, un Johanes, sien Brooda; Mrk 3:16-19; Luk 6:14-16; Apj 1:13 3 Filippus un Bartolomäus; Tomas un Matäus, de Taks-Kollakjta; Jakobus, de Sän von Alfäus; un Lebbäus, met däm Bienomen Tadäus; 4 Simon, de Kanaanita, un Judas Iskariot, dee Am uk veroot.

5 Dise Twalw schekjt Jesus rut un jeboot äant un säd: Got nich opp de Heiden äare Gaussen un got en kjeene Staut von de Samarita. 6 Oba got leewa no de veloarne Schop vom Hus Israel. Mat 15:24; Apj 13:46 7 Got han, prädicht un sajcht: Daut Himmelrikj es dichtbie jekomen. Luk 10:1-12; Mat 4:17 8 Heelt de Kranke, reinicht de Lepra, wakjt de Doodes opp un drieft de Diewels rut. Jie haben emsonst jekjräajen, jäft emsonst. Mrk 16:17 9 Veschauft junt nich Golt uk nich Selwa uk nich Jelt en june Gorts, Apj 20:33 10 uk kjeene Tausch fa opp däm Wajch, uk nich twee Hamden, nich Schoo, uk nich Stakja, wiels de Oabeida es sien Äten wieet. 4Mo 18:31; 1Kor 9:14; 1Tim 5:18 11 Un en woone Staut ooda Darp jie nenkomen, forscht, wäa doabennen wirdich es, un blieft doa, bat jie wieda-reisen. 12 Wan jie oba en daut Hus nenkomen, jreest daut. 13 Un wan daut Hus wirdich es, lot junen Fräd doaräwa komen. Es daut oba nich wirdich, lot junen Fräd wada trigj no junt komen. 14 Un wäaemma junt nich oppnemt, uk nich no june Wieed horchen woat, wan jie von daut Hus ooda de Staut wajchgonen, scheddat junt dän Stoff von de Feet. Apj 13:51 15 Ekj saj junt woarhauftich: Aum Jerechts-Dach woat daut fa daut Launt Sodom un Gomorra leichta sennen aus fa soone Staut. 1Mo 19:1-29

16 Kjikj, Ekj schekj junt aus Schop medden manke Wilw. Doawäajen siet kluak aus de Schlangen un onen Faulsch soo aus de Duwen. Luk 10:3; Ree 16:19; Efs 5:15 17 Heet junt fa de Menschen; wiels dee woaren junt daut Jerecht äwajäwen un en äare Synagogen woaren see junt priejlen. Apj 5:40; 2Kor 11:24 18 Un jie woaren ver Rejiera un Kjennichs jebrocht woaren om mient-haulwen, fa een Zeichnis to äant un de Heiden. Apj 25:23; 27:24 19 Oba wan see junt äwajäwen woaren, dan sorcht nich doaräwa, woo ooda waut jie sajen sellen, wiels daut woat junt en deeselwje Stund jejäft woaren, waut jie räden sellen. 2Mo 4:12; Luk 12:11-12; Apj 4:8 20 Wiels daut sent nich jie, dee doa räden, oba jun Voda sien Jeist es daut, dee en junt rät. 1Kor 2:4 21 Doa woat oba de Brooda dän Brooda toom Doot äwajäwen, un de Voda daut Kjint; un de Kjinja woaren jäajen de Elren oppstonen un dee toom Doot vehalpen. Mich 7:6 22 Un jie woaren von aulem jehaust woaren om mien Nomens haulwen. Wäa oba bat aum Enj uthelt, dee woat jerat woaren. Mat 24:9-13; 2Tim 2:12 23 Wan see junt en eene Staut vefoljen, dan flicht en eene aundre. Wiels Ekj saj junt woarhauftich: Jie woaren met de Städa von Israel noch nich foadich sennen, bat de Menschensän kjemt. Mat 16:28; Apj 8:1

24 De Jinja es nich äwa sienen Meista un een Kjnajcht nich äwa sienen Harn. Luk 6:40; Joh 13:16; 15:20 25 Fa dän Jinja es daut jenuach, soo to sennen aus sien Meista un de Kjnajcht soo aus sien Har. Wan see dän Husharn haben Beelzebub jenant, wooväl mea noch, dee to sien Hus jehieren! Mat 12:24

26 Aulsoo fercht junt nich fa äant; wiels doa es nuscht toojedakjt, daut nich woat opjedakjt woaren ooda Vestoaknet, waut nich woat bekaunt woaren. Mrk 4:22; Luk 8:17 27 Waut Ekj junt em Diestren saj, daut rät em Licht. Un waut jie em Ua hieren, daut prädicht opp de Däakja. 28 Un fercht junt nich fa dee, dee dän Kjarpa dootmoaken, oba de Seel nich dootmoaken kjennen; oba leewa, fercht Dän, dee Kjarpa un Seel vedoawen kaun en de Hal. Heb 10:31; Jak 4:12 29 Vekjaft eena nich twee Spoalinja fa een Zent*? Un doch felt nich eent von dee opp de Ieed onen junen Voda. 30 Oba bie junt sent soogoa de Hoa oppem Kopp aula jetalt. Apj 27:34 31 Doawäajen fercht junt nich; jie sent mea wieet aus väle Spoalinja. Mat 6:26

32 Een jiedra, dee Mie ver de Menschen bekjanen woat, dän well Ekj uk ver mienem Voda em Himmel bekjanen. Opb 3:5 33 Oba wäaemma Mie ver de Menschen velicht, dän well Ekj uk ver mienem Voda em Himmel velieejen. Mrk 8:38; Luk 9:26; 2Tim 2:12

34 Denkjt nich, daut Ekj jekomen sie, Fräd opp de Ieed to brinjen. Ekj sie nich jekomen, Fräd to brinjen, oba een Schwieet Mich 7:6 35 Ekj sie jekomen, dän Mensch to tranen von sienem Voda un de Dochta von äare Mutta un de Schwieedochta von äare Schwieemutta. 36 Un däm Mensch siene Fiend woaren von sien ieejnet Frintschoft sennen. 37 Wäa Voda ooda Mutta mea leeft aus Mie, dee es Mie nich wieet, un wäa Sän ooda Dochta mea leeft aus Mie, dee es Mie nich wieet. 5Mo 13:7-12; 33:9; Luk 14:26-27 38 Un wäa nich sien Kjriez opp sikj nemt un folcht Mie no, dee es Mie nich wieet. Mat 16:24-25 39 Wäa sien Läwen finjt, woat daut velieren; un wäa sien Läwen om mient-haulwen velist, dee woat daut finjen. Luk 9:24; Joh 12:25

40 Wäa junt oppnemt, nemt Mie opp; un wäa Mie oppnemt, dee nemt dän opp, dee Mie jeschekjt haft. Luk 9:48; Joh 13:20; Gal 4:14 41 Wäa eenen Profeet oppnemt em Nomen von een Profeet, woat een Profeet sien Loon kjrieen. Un wäa eenen Jerajchten oppnemt em Nomen von een Jerajchten, woat een Jerajchta sien Loon kjrieen. 1Kje 17:8-24 42 Un wäa eent von dise Jerinjste mau met een Kuffel koldet Wota drenkjt em Nomen von een Jinja, Ekj saj junt woarhauftich: Dee woat sienen Loon nienich velieren. Mat 25:40