Mateus 12

Daut Velangen, een Wunda to seenen

38 Dan auntwuaden atelje von de Schreftjelieede un Farisäa un säden: Meista, wie wellen een Tieekjen von Die seenen. 39 Oba Hee auntwuad un säd to äant: Eene beese un ehebräakjarische Jennerazion sieekjt no een Tieekjen; oba äant woat kjeen Tieekjen jejäft woaren, buta daut Tieekjen von däm Profeet Jona. 40 Wiels krakjt soo aus Jona dree Doag un dree Nachten em Waulfesch sien Buck wia, soo woat de Menschensän dree Doag un dree Nachten em Hoat von de Ieed sennen.