Petrus sien Bekjantnis von Jesus
13 Aus Jesus en de Jäajent von Cäsarea Filippi aunjekomen wia, fruach Hee siene Jinja un säd: Wäa sajen de Lied, daut Ekj, de Menschensän, sie? 14 Un see säden: Eenje sajen, Du best Johanes de Deepa; aundre oba, Elia; noch aundre, Jeremia ooda eena von de Profeeten. 15 Dan säd Hee to äant: Jie oba, wäa saj jie, daut Ekj sie? 16 Doa auntwuad Simon Petrus un säd: Du best de Christus, de Sän vom läwendjen Gott! 17 Un Jesus auntwuad un säd to am: Seelich best du, Simon, Bar-Jona16:17 Ooda: Jona sien Sän.. Wiels Fleesch un Bloot haft die daut nich jeopenboat, oba mien Voda em Himmel. 18 Un Ekj saj die uk, daut du best Petrus, un opp disen Steen well Ekj miene Jemeent buen, un de Puaten von de Hal sellen ar nich unjakjrieen. 19 Un Ekj woa die de Schlätels vom Himmelrikj jäwen, un waut du oppe Ieed binjen woascht, saul uk em Himmel jebungen sennen, un waut du oppe Ieed leesen woascht, saul uk em Himmel jeleest sennen. 20 Dan befool Hee siene Jinja, daut see daut to kjeenem sajen sullen, daut Hee Jesus, de Christus wia.
Jesus rät daut ieeschtemol von sienem Doot
Mrk 8:31-9:1; Luk 9:22-27
21 Von dan aun funk Jesus aun, siene Jinja to wiesen, daut Hee no Jerusalem gonen must un von de Eltestasch un Huagepriesta un Schreftjelieede väl lieden un dootjemoakt woaren un aum dredden Dach opperwakjt woaren. 22 Dan neem Petrus Am tosied un funk aun, Am to bedreiwen un säd: Har, schoon Die selfst! Daut saul16:22 Ooda: woat. Die nich passieren! 23 Hee oba dreid sikj om un säd to Petrus: Go hinja Mie, Soton, du best Mie een Oajanis! Wiels du denkjst nich, waut von Gott, oba waut von Menschen es.