Evangelium Matäus 24

De trua un ontrua Kjnajcht

45 Wäa es nu de trua un kluaka Kjnajcht, dän sien Har äwa sien Hushault jesat haft, äant daut Äten to rajchte Tiet to jäwen? 46 Seelich es dee Kjnajcht, dän sien Har, wan hee kjemt, am finjen woat soo doonen. 47 Ekj saj junt woarhauftich: Dän woat hee äwa aul siene Jieta saten. 48 Wan oba dee beesa Kjnajcht en sien Hoat sajen woat: Mien Har vetrakjt to komen, 49 un fangt aun, siene Metkjnajchts to schlonen un met aundre Drinkja toop to äten un to drinkjen, 50 dan woat däm Kjnajcht sien Har aun eenem Dach komen, wua hee nich opp räakjent un en eene Stund, woone hee nich weet, 51 un woat am twei-schnieden un am sien Deel met de Heichla jäwen; doa woat daut Hielen un daut Tänen-Kjnirschen sennen.