Jesus roopt Matäus
9 Aus Jesus von doa wieda-jinkj, sach Hee eenen Maun em Taks-Hus setten, dee heet Matäus. Un Hee säd to am: Folj Mie no! Un hee stunt opp un foljd Am. 10 Un daut passieed, aus Hee em Hus aum Desch saut, kjikj, doa kjeemen väl Taks-Kollakjta un Sinda un sauten met Jesus un siene Jinja toop aum Desch. 11 Un aus de Farisäa daut sagen, säden see to siene Jinja: Wuarom at jun Meista met de Taks-Kollakjta un Sinda? 12 Oba aus Jesus daut hieed, säd Hee to äant: De Stoakje brucken nich eenen Dokta, oba de Kranke. 13 Oba got un lieet, waut dit meent: "Ekj well Boarmherzichkjeit un nich Opfa." Wiels Ekj sie nich jekomen, de Jerajchte to roopen, oba de Sinda, to de Busse.
Mrk 2:18-22; Luk 5:33-39