1 Mu kari unga uwo la ɛlɔ unga ɛsu irimo iyi Ɔsu Ɔtibɛriyɔ; kwuye ungwu bɔkɔ Ɔpɔtiyɔ Opaleti akwu ɔsu uwu Ozhudiya, Ɛrɔdu ba akwu ɔsu mu Ogalili, Ofilipu umanyiwu ba akwu ɔsu tete mu ɛzhi iyi Ituriya mbala Otarakuniti; akwɛyi Olisaniya ba akwu ɔsu tete mu Abilɛnɛ, 2 Anasi mbala Okayafasi ba ɔ kwu Ebwoshi umba Ukpo Umbakɔ. Akwɛyi afyi ɛnyi Ukpo e so iso mbala Ɔzhɔnu, umɛ uwu Ozakaraya mu ɛzhi ɛngbarara. 3 Akwɛyi Ɔzhɔnu a kpa ɛvyɛ munamuna mbaa Risu ingyi Ɔzhɔda, laa anu itama tee, <<La lu lafya laa ingbomo yi kaa lo wo yi obatisima akwɛyi Ukpo a gba laa ingbomo yi a kpa.>> 4 Kyamate bɔkɔ ɔ ka mu kwokpo ungwu anukenzu Azaya awu tee:

<<Opwu uwu onzu u yi mu iyama mu ɛzhi ɛngbarara tee: <La lu nɔngɔ ɔgwuzɛ ma laa Ɔkwu;

la lu bɔ wu watoto ka la zɛ mawu! 5 Kwofo ungwunanguna ɔ nyɔlɔ ngwu ma, kwokyi ungwɔkwu ungwunanguna mbala odudu uwunawuna o shiriyi mo.

Ɛgwuzɛ iyi bɔkɔ i pulemo, o ndayima o bɔ ya tototo, ɛgwuzɛ ikwakwakya o piya yi ma tɛrɛtɛrɛ. 6 Enzu lɛɛbi o ma isama iyi Ukpo!>>>

7 Ɔzhɔnu a za laa enzu umba bɔkɔ o bo tee lo wo mbo obatisima awu tee, <<Lunyi agbazhi mbɔlɛ! Uwe a tayi amasa tee la lu rɛnya lu shi inyashi iyi Ukpo iyi bɔkɔ i yi mu inyɔma awu ŋa? 8 La lu wo ɛduma iyi i zɔ tee lu lafya laa ingbomo yi-e. La lu so mu egbo yi tee Aburamu gba akwu eteyi le mo. Moo ongbulolo gba mi so yi le tee, Ukpo e do tee a wa la ɛmɛ laa Aburamu mu ekyi ɛlɛ!

9 Kwukeke kwu yi mɛzhi-e kaa lakwu kpolo akpa iyi uwɛyi ma, uwɛyi uwu bɔkɔ u wa la imwuma iyeshishi mo, o kpolowu mo o ta mu ɔyi.>>

10 Akwɛyi enzu o yo wu tee <<Ba ki wo te kekelele?>> 11 Akwɛyi a gba mba opwu tee, <<Onzu uwu e yi ɛriga epo, le to ukpɛnyi le shi onzu uwu bɔkɔ ukpɛnyi lala e yi wu mo awu, onzu uwu e yi kiya ingyirimo ba la kama mbala enzu umba bɔkɔ o yi ngyi mo awu tete.>>

12 Enzu wa na oba uwɛzhi o bo munyi wu kaa lo wo mbo obatisima tete. O yo wu tee, <<U zɔ kiya, kinzu kɔ, la ki wo tee?>>

13 Ɔzhɔnu a za mba tee, <<La lu na li pika iyi ɔ za yi tee la lu na le mo.>>

14 Asozha umbafo tete o yo wu tee, <<Kinzu kɔ? La ki wo tee?>>

Ɔzhɔnu a za mba tee,<<La lu kpa enzu mɛga tee lo shi yi eduwo mo, ba la lu mulo onzu mo. Eduwo iyi ɛduma yi li kpoyekya.>>

15 Enzu o le mu eyi ifulomo mbala egbo ibyima tee nana Ɔzhɔnu gba akwu Omezaya awu le ŋa. 16 Akwɛyi Ɔzhɔnu za mba tee, <<Imi mi wo yi obatisima mu embyi, onzu uwu a ka mi ma ba e yi mu inyɔma, ekyikyi iyi ekpoyata wu lala mi domo tee la mi vuvu yi ma mo. Uwu ee wo yi obatisima mu Kwundu uwu Ukpo mbala ɔyi. 17 A za la kwɔta kaa la fya ewiri iyi utu ma kaa le fu eyi iyi ewiri mu kɛnɛ wu; asɛ ba e fu yi mu ɔyi uwu bɔkɔ u pwumo u nyima mo.>>

18 Ɔzhɔnu a tanu iyi Iso Iyesheshi ɛlɛ mu ɛgwuzɛ ikikɔ ikikɔ laa enzu akwɛyi a za mba tee lo kwu ira ɔsu. 19 Ɔzhɔnu ba e tu Ogomina Ɛrɔdu mo, kwuwongu e to Ɛrɔdiya oko uwu umanyiwu, mbala apula iyira iyifo iyi bɔkɔ e wo. 20 Mu imbwama yi Ɛrɔdu e wo iyi bɔkɔ i ka ɛlɛ ira ma- a ta Ɔzhɔnu mu ugu ugyi.

21 Kwuye ungwu o mbwa enzu lɛɛbi obatisima iwomo, akwɛyi o wo Ɔzhizɔsi tete. Akwɛyi kwuyengwu Ɔzhizɔsi e yi mu Ukpo ilɛma, oshi u wuma gboo, 22 akwɛyi Kwundu uwu Ukpo a wɔ mu oshi e kwu mawu kyamate ogarikwokwo tayi. Akwɛyi opwu u wɔ mu oshi u zɔ tee: <<Uŋɔ ŋɔ kwu Umɛ uwu idɛnyi mi. Imi mi mwɔnyɛ mbala ŋa.>>

23 Kwuye ungwu Ɔzhizɔsi e gwu laa ɛduma wu iyi ɛzu izɔma awu, e yi lɔri uwekpela. Mu imama iyi enzu, Ɔzhizɔsi akwu umɛ uwu Ɔzhɔsɛfu, umɛ uwu Ɛli, 24 umɛ uwu Omatati, umɛ uwu Olevi, umɛ uwu Ɔmɛlishi, umɛ uwu Ozhanayi, umɛ uwu Ɔzhɔsɛfu, 25 umɛ uwu Omatatiya, umɛ uwu Ɛmɔs, umɛ uwu Onahu, umɛ uwu Esili, umɛ uwu Onagayi, 26 umɛ uwu Omati, umɛ uwu Omatatiya, umɛ uwu Osemeyi, umɛ uwu Ɔzhɔsɛshi, umɛ uwu Ozhoda, 27 umɛ uwu Ozhowana, umɛ uwu Oresa, umɛ uwu Ɔzɛrubabɛ, umɛ uwu Ɔshitɛ, umɛ uwu Oneri, 28 umɛ uwu Ɔmɛlishi, umɛ uwu Adi, umɛ uwu Okosa, umɛ uwu Elemada, umɛ uwu Eru, 29 umɛ uwu Ozhoshuwa, umɛ uwu Eliyeza, umɛ uwu Ozhorimu, umɛ uwu Omatati, umɛ uwu Olevi, 30 umɛ uwu Ɔsamɔ , umɛ uwu Ozhuda, umɛ uwu Ɔzhɔsɛfu, umɛ uwu Ozhonamu, umɛ uwu Eliyaki, 31 umɛ uwu Omeli, umɛ uwu Omenna, umɛ uwu Omattata, umɛ uwu Onata, umɛ uwu Odevidi, 32 umɛ uwu Ozhese, umɛ uwu Ɔbɛdi, umɛ uwu Obowazi, umɛ uwu Ɔsalimɔ, umɛ uwu Ɔnashɔ, 33 umɛ uwu Aminadabu, umɛ uwu Adimi, umɛ uwu Arini, umɛ uwu, Ɛzɛrɔ, umɛ uwu Ɔpɛrɛzi, umɛ uwu Ozhuda, 34 umɛ uwu Ɔzhɛkɔbu, umɛ uwu Aziki, umɛ uwu Aburamu, umɛ uwu Otera, umɛ uwu Ɔnahɔ, 35 umɛ uwu Oserugwu, umɛ uwu Oriwu, umɛ uwu Ɔpɛlɛgwu, umɛ uwu Eba, umɛ uwu Oshela, 36 umɛ uwu Okeyina, umɛ uwu Afazada, umɛ uwu Ɔshɛmu, umɛ uwu Onowa, umɛ uwu Ɔlamɛshi, 37 umɛ uwu Ɔmɛtusɛla, umɛ uwu Ɛnɔki, umɛ uwu Ɔzharɛdi, umɛ uwu Ɔmalalɛ, umɛ uwu Ɔkɛna, 38 umɛ uwu Ɛnɔshi, umɛ uwu Ɔsɛti, umɛ uwu Adɛmu, umɛ uwu Ukpo.