1 Se Yesu gye yayagizi e yi abenshi de shina su nkye su yi lepa kowon kwanki kede su geji. 2 Yesu gye su nkye: <<A siki geri daa su mani nsu shiriya de yaa zi womba ni Mirikisi ba kuma yaa kula ni ntani ba. 3 A siki geri ni mase makeyi daa ma yaa te anya Anikali de beyi mbode ema na yi, de e beyi mbo de e ma na yi a siki kara de su yi a kiya e yi.>

4 <<E la worosu su kwanki e ki. Sede a beyi e gye kiya e yi, <Ko e ma nkye na zi womba ni Mirikisi ko kula ni nse beki ba, 5 nzun yomu Na yi kokori de ni beyi mbode ema na yi, de kede manshi makeyi mu e nana ni suguni!> >> 6 Se Obagizi nkye, <<Ku zi mbode nsu shiriya nsu mere gaskye pala. 7 Yomuna Mirikisi yaa ba ntani yi de e zabi, worede de sua sukwa yi nnana nja dederi mbode sua so bo? ko yaa ki su? 8 Na gye ku, yaa ba su mbode ema na su seseberi. Nzun yomu, kwanki de yaa nsebeki yaa kuma zo, yaa sani nsu beigaskye a durinya mu?>>