Mateus 18

Yayiwa De Yike Lepi

15 Nde Yayiwa ake yike lepi, te de ki gye yi lepi yi. Sede e ma oku bi nja shi. Nde na e zi ke, ki kuman yayiwa ake zo anya ake. 16 Sede nde e zi ke ba, kuma de ki la nseda ko ntani bi de su te nja ke, Sobon de su ma sheeda ake, de guru beta de ka pala ntani bi ko wuku su ma ashina ake. 17 Nde e ki de e zi su, te de ki pala mbo de paru guru gye nsu biya Yesu; De ki gye yi, nde e zi beta ntani shoshi ba, bila yi ema kankye nsu biya boka nja nsu keleba gendu.

Mbode Su ki nja Mbode su Yeda

18 <<Na gye ku gaskye, guru mbo de ku yeda a durinya Mirikisi yeda nshi a bisi, mbode ku ki a durinya Mirikisi yaa ki a bisi.

19 <<Na sakye gye ku gaskye: Nde ntani bi yeda ni mbodaa a durinya de su yi lepa a kiya e yi, Adaa ku de e ma a siki bisi yaa yi ku nshi. 20 Guru anya de ntani bi ko wuku ma a siki e yi de su tala a siki seni na, Ni ma anya ni nja su.>>