ኢሳያሳ ቲንቢቴ 9:1-6

Em outras traduções

1. GM Geeshsha Mexaafa

   1 Ceecishe dizaytas hayssafe guyen hidotay dhayenna; beni wode Zaabiloone biittanne Niftaaleme biitta kawushshides; sinththafe yaana woden gidikko Mediteraane abbaa ogen de7iza biittanne Yordaanoose Shaafappe he pinththan de7iza, «Ayzaabeti de7iza Galila biitta» izi bonchchana.✝9:1 Mato 4:15

   2 Dhuman de7iza derey

   wolqqama poo7o be7ides;

   hayqo kuwa garsan diza deretas

   poo7oy poo7ides.✝9:2 Mato 4:16; Luqa 1:79

   3 Neni kawoteththaa darsadasa;

   isttas ufayssaa bolla

   ufays gujjadasa;

   asay kath shiishshishenne

   di7i ekkida miish gishettishe

   ufayettiza mala

   isttika ne sinththan ufayettana.

   4 Kase neni Midiyaame biitta

   xoonida mala

   istta deexxiza qambara,

   istta hashe bolla

   wodhida durqqanne

   istta waayisi haarida

   guufe menththadasa.

   5 Olanchchata caammay ubbay,

   suuththan moorettida

   may7o ubbayka

   taman dunne gidi eexxana.

   6 Hekko nuus nay yelettides!

   Attuma naykka nuus imettides!

   Halaqateththi

   iza hashe bolla gidana;

   iza sunththi,

   «Malalisiza zoranchcha,

   Wolqqama Xoossa,

   Mernaa Aawa,

   Saroteththa Halaqa» geetettana.