VaHebheru 8

6 Asi sezvazviri, Khirisitu adowana ushumiri hudonyanyitsa kunaka kukunda hwokare nokuti sungano yaanoreverera idonaka idosimbisiwa nozvivimbiso zvidonakitsa.

7 Nokuti kana dai chibvumirano chokuthanga changa chisinai chachinonenedzehwa, panga dai pasinai nzvimbo yochibvumirano chochipiri. 8 Nokuti anowana mhosva kwavari paanoti,

"Mazuva yachauya, ndizvo zvinonyaira Ishe,

pandichaita chibvumirano chitsva noimba yaIzirairi uye noimba yaJudha,

9 chisinai kufanana nochibvumirano chandidoita nomadzibaba vavo

pazuva randidovabata nojanja ndichivabiritsa munyika yoIjipiti,

nokuti havanai kuramba vari muchibvumirano changu,

naizvozvo inini handinaiwo kuita hanya navo, ndizvo zvinonyaira Ishe.

10 Ichi, ndicho chibvumirano chandichaita noimba yaIzirairi

mumasure momazuva yakareyo, ndizvo zvinonyaira Ishe,

Ndichaisa mirairo yangu mupfungwa dzavo,

nokuinyora mumwoyo yavo,

uye ndichava Mwari wavo

ivo vachava vanhu vangu.

11 Hapanai achadzidzisa mabiyache

kana hama yache achiti,

‘Ziva Ishe,’

nokuti vese vachandiziva,

kubva kumudiki kusvikira kumukuru.

12 Nokuti ndichava nomutsa nokuda kwounyangadzi hwavo,

uye handichadzorangarira zvitema zvavo."

13 Mukunyaira pamusoro poChibvumirano Chitsva anobata Chibvumirano Chokare sechidosakara. Uye chinhu chaakusakara nokuchembera chaakunyangarika.