Lucas 10

30 Yesu kedika kalonga, munhu imwe kalawa Yelusalem kuita Yeliko, viyakalile nzila wabavi wamvamila na kumvula vivalo vake na kutoa na kumboka chila chinhu, na wamleka bahaja behi na kudanganika. 31 Labaho mlava nhambiko imwe kakala yobita nzila ija, viyamonile munhu ija yavamiligwe na wabavi kabita kumgwazo. 32 Amala kabita mwanahina wa mlava nhambiko imwe nayo viyamonile munhu ija yavamiligwe na wabavi kabita kumgwazo ivija. 33 Mbali munhu imwe wa isi ya Samalia viyakalile muumwanza, kabita haja hakalile munhu ija na viyamonile kamonela bazi. 34 Kaita kwa munhu ija kamsunha goya vilonda vake amala kamgela divai na kumfunga, baho kamkweza mchihongwe wake amala kamgala muing’anda yakugona nyambenyambe ili wamlole goya. 35 Viivikile igolo, ija munhu wa isi ya Samalia kalava vihande vidi va madini ga sente ng’hulu kamwing’ha mlolezi wa ija ng’anda, na kamlongela, "Mlole goya ino mtamu na kama sente zokongezeka, niye nahabwela nokwiza kukuliha."

36 Labaho Yesu kauza, Vuutonga kwa wanhu waja wadatu yelihi iyo miage munhu ija yatoigwe na Majambazi?"

37 Na mfundaji wa ndagizi za Musa kedika, kalonga "Ija yamonele bazi iyo miage." Yesu kamlongela, "Genda kasang’hane ivoivo."