Lucas 18

Mfano wa Mfalisayo na mgoga kodi

9 Baho Yesu kawalongela mfano umwe waja wanhu watongile kua wao weli na unovu wa Mulungu, kuno wowazeleu wamwenga. 10 "Zua dimwe wanhu waidi waita kumfugamila Mulungu Muikae ya Mulungu, imwe kakala mgoga kodi na imwenga kakala Mfalisayo. 11 Ija Falisayo kema kuno yompula Mulungu yolonga mmoyo, ‘Go Mulungu niye nokutogola kwa vija niye sio kama wanhu wamwenga, wanhu weli na wamelo, wavwizi na wagoni, hebu kama ino mgoga kodi. 12 Niye mdijuma sija mazua maidi kuno nompula Mulungu na nomlavila fungu dimwe da nhosa mmafungu kumi ga uzenzi wangu.’

13 "Mbali ija mgoga kodi kema kutali, na henule meso gake kuulanga mbali kakala yoitoa muimhambaga kwa giogio na kolonga, ‘Go Mulungu nionele bazi nie nili na malozo.’ 14 Niye nowalongeleni, "Ija mgoga kodi kabwela ukae yake kuno kalekeseligwa malozo gake. Mbali ija miage halekeseligwe. Kwavija yoinula kohulumusigwa na yotumbala kokwinuligwa."