Luka 19

2 Baho hakala na munhu imwe mkulu wa wagoga kodi kokemigwa Zakayo, nayo kakala mzenzi. 3 Nayo Zakayo kakala kolonda kumona Yesu kuwa munhu yeli vilihi, kwa ivo kapotigwa kumona Yesu kwa vija kakala mguhi na hakala na bumbila da wanhu. 4 Ivo kakimbila hima kuulongozi mwa bumbila da wanhu na kakwela kuchanha mwa mkuyu yadahe kumona Yesu, kwa vija Yesu kakala yobitila nzila ija. 5 Basi Yesu viyavikile haja ha mkuyu, kalola kuchanha kamlongela Zakayo, "Lopola hulumuka, kwa vija lelo kokua mwenekae wangu."

6 Baho Zakayo kahulumuka hima na kamgoneka Yesu ukae yake kwa deng’o. 7 Wanhu wose viwaonile mbuli iyo, wehiligwa na kulonga, "Kengila kwa mwenekae yeli na malozo."

8 Mbali Zakayo kema na kumlongela Mndewa, "Tegeleza Mndewa! Fungu dimwe mmafungu gangu maidi ga uzenzi wangu noweng’ha vikumbi muyega, na kama nimboka chinhu munhu yoyose, nombwelezela mala kane ya chinimbokile.