Luka 8

Kuzilibuligwa kwa Biti Yailo na muke imwe kuhonyigwa

40 Chipindi Yesu viyabwelile kulawa umwambu mwa Gelasi, wanhu wambokela kwa deng’o kwavija wakala wombeta. 41 Baho keza munhu imwe yokemigwa Yailo, iyo kakala mkulu mui Kae ya kuiting’hanila Wayahudi. Kamtumbalila mavindi Yesu na kumpula kuita ukae yake, 42 kwa vija biti yake yaiyeka yeli na milao kumi na midi kakala yolumwa behi na kudanganika.

Chipindi Yesu viyakalile koita uko wanhu wengi wammemela mhande zose. 43 Ivija baho kukala na muke imwe yakalile yodununzika kwa utamu wa kulawa damu kwa milao kumi na midi, nayo katumila uzenzi wake wose kazambwila walaguzi wa kumhonya mbali wapotigwa kumhonya. 44 Na ija muke kabita hagati ha dija bumbila da wanhu mbaka kamvikila Yesu na kamha mhindo ya valo da Yesu, bahaja utamu wake uhona. 45 Yesu kauza, "Yelihi yanyamhile?"

Ivo wanhu wose wabela, mbali Petulo kamwidika, "Go Mndewa, wanhu wano wose wakumemela gweye."

46 Mbali Yesu kalonga, "Hana munhu kanyamha, manake nivimanya kua udaho unilawa." 47 Ija muke viyaonile hadaha kuifisa ija mbuli imlawilile, kalawilila kwa Yesu kuno kogudema, na kagwa mmagulu ga Yesu. Yeli haulongozi ha wanhu wose, kamlongela Yesu na wanhu wose wakalile haja, habali kamwamha Yesu na vija viyahonyigwe. 48 Yesu kamlongela ija muke, biti yangu nhogoli yako ikuhonya. Genda kwa utindiwala.

49 Yesu viyakalile yang’hali kolonga gano, keza mtumigwa ija kulawa ukae kwa Yailo. Kamlongela Yailo, "Biti yako kadanganika, habali umgaze mfundaji?"

50 Mbali Yesu viyehulike gago, kamlongela Yailo, "Seke udumbe, togola tu, biti yako kohona."

51 Yesu viyavikile ukae ya biti Yailo, halondile kwingila mgati na wanhu wamwenga, ila kengila na Petulo na Yakobo na Yohana na tati na mami yake ija biti. 52 Wanhu wose wakala wolila na giogio kwa mwana iyo. Yesu kalonga, "Seke ulile, kwavija mwanago hadanganike mbali kawasa!"

53 Wose wamzeha kwa vija wakala wavimanyile mwana iyo kadanganika. 54 Mbali Yesu kamgoga mkono wa ija mwana na kamlongela, "Biti, ima!" 55 Ugima wake umbwelela, bahaja kenuka. Yesu kawalongela tata na mami yake mwing’heni ndia. 56 Tata na mami yake wakanganya ng’hani, mbali Yesu kawagomesa sekewamlongele munhu yoyose chija chilawilile.