ପାର୍‍ତୁମ୍‍ ବଇ 45

ଜୋସେପ୍‌ ତୋଡ଼ାନ୍‍କାଙ୍ଗ୍ ନିଜେଦି ବିସୟ୍‌ ୱେର୍‌ତାନ୍‌

1 ଆବେଟ୍ ଜୋସେପ୍‌ ନିଜେଦି ଲାକୁତୁ ନିରିଇମାନିକା ଲୋକା ଆଗିଡ଼ି ନିଜେଦିଙ୍ଗ୍ ସାସ୍‌ କିଦେଙ୍ଗ୍ ଆଟ୍‍ଏଜି ପେରିବଲୁଦାନ୍ ଇର୍ହାନ୍‌, ମା ଆଗିଡ଼ିରାନ୍ ୱିଜୁ ଲୋକାଙ୍ଗ୍ ସପ୍‍ତୁ । ଆବେଟ୍ ଏନ୍‌ ୱାନି ଲାକୁତୁ ମାନ୍ଏଜି, ଜୋସେପ୍‌ ଦାଦାରି ଆଗିଡ଼ି ନିଜେଦି ବିସୟ୍‌ ୱେର୍‌ତେଙ୍ଗ୍ ଆସ୍ତାନ୍ । 2 ୱାନ୍ ପେରିଆଉଲିଦାନ୍ ଇୟାୱାଜା ଆଡ଼ାବାତାନ୍ ଜେ ମିସରତିକାର୍‌ ମାରି ପାରୋ ରାଜାଦି ଇଲୁଦି ଲୋକୁ ଆକା ୱେନ୍‍ଡ୍ରେଙ୍ଗ୍ ଆଟ୍‍ତାର୍ 3 ଜୋସେପ୍ ନିଜେଦି ଦାଦାରିଙ୍ଗ୍‌ ଇର୍ହାନ୍‌, "ନାନୁ ଜୋସେପ୍‌; ନା ବୁବା ନ ନେରୁ ସାନ୍ଦି ଜିତାମାନାନ୍ ?" ଆବେଟ୍ ୱାନି ଦାଦାର୍‌ ୱାନି ଆଗିଡ଼ି ତିଲାଜି ଇନି ମାଟା ଇନ୍‌ଡ୍ରେଙ୍ଗ୍‌ ଆଟ୍ଏତାର୍‌ ।