7 ତାନିୱେନେକା ଜୋସେପ୍ ନିଜେଦି ବୁବା ଜାକୁବଙ୍ଗ୍ ତାସି ପାରୋ ରାଜାଦି ଆଗିଡ଼ି ନିଲିପ୍ତାନ୍; ଆବେଟ୍ ଜାକୁବ ପାରୋ ରାଜେଙ୍ଗ୍ ଆର୍ସିବାଦ୍ କିତାନ୍ । 8 ନାସ୍ତିୱାଲେ ପାରୋ ରାଜା ଜାକୁବଙ୍ଗ୍ ୱେନ୍ବାତାନ୍, "ନି ବାର୍ସେକ୍ ଏସ ?"
9 ଜାକୁବ ପାରୋ ରାଜେଙ୍ଗ୍ ଇର୍ହାନ୍, "ନା ଜିନି ଦିନ୍ ସହେ ତିରିସ୍ ବାର୍ସୁ ଆତାତ୍; ନା ଜିନି ଦିନ୍ ଉଣା ମାରି ନାଣ୍ତ ଦିନ୍ ସିଲେତ୍; ମାରି, ନା ଡକରାଦାଦାର୍ ଜିନି ବାର୍ସୁ ଦିନ୍ ୱାଜା ସିଲେ ।" 10 ତାନିୱେନେକା ଜାକୁବ ପାରୋ ରାଜେଙ୍ଗ୍ ଆର୍ସିବାଦ୍ କିଜି ୱାନି ଆଗିଡ଼ିରାନ୍ ସତାସର୍ହାନ୍ । 11 ଆବେଟ୍ ଜୋସେପ ପାରୋ ରାଜାଦି ଆଦେସ୍ତାନ୍ ମିସର ଦେସ୍ତି ୱେଜେରିଙ୍ଗ୍ ନେଗି ବାଡିଦୁ, ଅର୍ତାତ୍, ରାମିସେସ୍ ରାଜିଦୁ ଅଦିକାର୍ ସିଜି ନିଜେଦି ବୁବା ମାରି ଦାଦାରିଙ୍ଗ୍ ବାସାକିବିସ୍ତାନ୍ । 12 ମାରି, ଜୋସେପ୍ ନିଜେଦି ବୁବା ମାରି ଦାଦାରିଙ୍ଗ୍ ମାରି ୱିଜୁ ଇଲୁ କୁଟୁମ୍ତି ୱିଜେରି କୁଟୁମ୍ ଇସାପ୍ତାନ୍ କାଦି ସିଜି ପୋସା କିତାନ୍ ।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)