11 Wakabona ntumwa waHe alimile kuludli gwetjibeso tjinopfungayidzigwa mhoza1.11 nti unonhuwilila. 12 Zakhariya ewumbona wakadziyidzika, akahhigwa nehla. 13 Koga ntumwa wekudzimu wakati kuwunli, "Usihle, Zakhariya, ngobe ntembezelo uwo wawhika, nkadzikulu uwo Elizabethi unowhokuzwalila nkololo, nowhowumpa zina linoyi Johane. 14 Iwe nowhohanha ukahanhisisa, nebanhu banjinji banowhohanhila zwagwa kukwe; 15 ngobe unowhoba nhu nkulunkulu pabuso gwaHe, atowhon’wa wayini kene kunolaladzisa, unowhobe nhu uhhele neMeya Yakayengemala kubvila atji muntumbu wameyabe. 16 Unowhohandusila bunji gwebana ba Isirayeli kuna He Ndzimu wabo. 17 Unowhoyenda elimbeli kukwe ali mumeya nemasimba a Elija, kudze ahandusile mimoyo yabotate kubana, nebasingawhilile kuti babe nebutjenjebvu guna bakalulama, elulamisila banhu kuti balinde buya kwaHe."
Publicidade
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)