Azü nə̂ Kristə yû Ndjapä
23 Ə̂në əndje kâtə̂ əndje trale kɔ, Piarə nə gâ ndə Zââ nə gû mâ lə takpa tə̂ agbɔbəngâ əndje nə ə pâ ndəma əpʉ ərə ə̂në aâgbɔ̂ azü nə̂ aawotokrɔ nə də aâgbɔ̂ azü nə pâ kə əndje kɔ. 24 Alɔ ə̂në azü nə djî ndəma əpʉ nə ə̂në əndje pâ kɔ, azü nə yû Ndjapä mvrɔ ə pa: «Əyïlingû, əbə kə mbrə̂ tshelafɔ, də ashɔ, də ə̂ngû əngbrʉ gâ ndə aərə tshelə nə nɔ̂ kɔ.
29 Kpəsəye, Əyïlingû, djï kə nga ə̂në əndje ngâ kə ä kɔ. Zä awlra kə ä ndə kə pa ä pa əpʉ nə̂ zə pa də awa bale ne. 30 Yïsə̂ awlra nə̂ zə gashu ndə kə pa arəka nə̂ azü nglɔ, aərə ə̈lü də aərə ə̂në kumu azü ə kpe pâ əndu əndje mbrə nə kɔ wutu də əɨrɨ Jezu, əyïkosəra nə̂ zə ə̂në tshə sə kpî kɔ.»
31 Alɔ ə̂në əndje yû Ndjapä ə nglɔ̂ gâ ye kɔ, ətshe nə ə̂në əndje sə̂ tə̂ nə kɔ même tə̂ ye. Âgbɔ̂ Yîrə̂ sû əndje nɔ̂ trɔ̂ â əndje vɔ̂tə̂ kə mʉ Əpʉ Ndjapä mʉ də awa ne.