Azü nə̂ Kristə ngbô aərə nə̂ əndje gâ ə̂sə̂ nə bale
32 Ə̂kpû azü nə ə̂në əndje zâ lɔsu əndje kə Jezu kɔ djî tə̂ əndje lə əpʉ nə̂ əndje də lɔsu əndje bale də yîrə̂ əndje bale. Əzü bale pâ pâ ərə nə̂ əne sə tə ənə̂ əne ne, bale əndje ngbô aərə nə̂ əndje nɔ̂ gâ tə̂ nə bale ə krû tshelə nə lə takpa tə̂ əndje. 33 Azü-awla nə yîsə̂ əpʉ kə she Âgbɔ̂ Əyïngerə Jezu də âgbɔ̂ awlra â Ndjapä yîsə̂ ə̂rɔ̂tə̂ ye kə əndje nɔ̂ tə̂ äwä kpî kpî kpî. 34 Ə̈bə̈ əyïəyo sə̂ sə̂ lə takpa tə̂ əndje bale ne, mbrə ə̂në alayïnga akəndɨ də alayïnga aanda kâ akəndɨ də aanda nə̂ əndje nə ə nâ də ngendja nə 35 ə kô kə azü-awla nə. Əndje krû tshelə ngendja nə tə̂ əzü bale bale ə lï də ərə ə̂në tshə mâ əgo nə kɔ.