Nnwẹr s'Osenga 2

5 Wa nnwa kw’Phero kw’ikwanạng utim aminava p’ade atọhmnạng pẹ ọta isi-kpobha k’ọraanga kw’Nile. Masẹ aminava mbọ n’asenga ma ẹraangakha, nnwa kw’Phero n’ose ikhạrạbaang k’ottemkwẹ kw’asạsaarẹ p’ameni k’ẹraangakha, ọtọhm ọtọhmnạng kwẹ wạnọ bẹ́, ọta ọtạkha sẹ utima ukwu. 6 Masẹ owong sẹ, ose nnwa k’ẹtaanga s’n’ọgạma ẹmạng. Ọkhaama abẹ ikwosi. Oben bẹ́, "Nnwa nwa m’ode oHibru-nwa wạnọ e ."

7 Ma wọ nwọkka kw’nnwa nwọ ọbạbhọ nnwa kw’Phero bẹ́, "Ma, n’nta nyeri oHibru-kwanạng wạnọ, kw’m’okke ọrạk nnwa nwa ọnạng-ọ?"

8 Nnwa kw’Phero ọpọhn-ẹ bẹ́, "Ọbaan ma, sọhng!" Ma wọ, ọta utima ọkka kw’nnwa nwọ ukwu. 9 Nnwa kw’Phero oben ọkka kw’nnwa nwọ bẹ́, "Tạkha nnwa nwa, rạkh-ẹ nạng-m, amma m’nnạng-ọ akpokha k’ọtọhm pfọ." Ma wọ ọkka kwa nnwa nwọ ọtạkh-ẹ ọta ọrạk.