33 Ba n da paa zĩ’ĩ m bɔɔn Zuŋmaliŋmana la, ba da kpa Yezu ni toom-be’et dem la la niŋa, nkɔ̃ U dituŋ nu’ug bɔba, nkɔ̃ mi U gɔbig nu’ug. 34 Ka Yezu da po’oh yii, <<M Ba’a, dim suguru te ba, ka ba pu mi ba n it se’el la?>> Ka ba da ŋmɛ gbãŋa yi ba tɔ̃r U laɣat la.

35 Nirib la da zɛ' mi, behit Yezu; ka ba tɔɔngatib la to’ot U, yet yii, <<U fãã seba bah; bah mi ka U fãã U mɛŋ mi bah, Un serin a la fããt, so ka Na’ayen lɔɔ la!>>

36 Soogɛnam la mi da kɛhir U mi, ka tar dami’ihug na tet U, 37 ka yet yii, <<Nyɛ n a la Geudem Na’ab la, nyɛ fããgim I mɛŋ bah!>>

38 Ba da golih mpuur-dɔɔg la zugu yii,

<<GEUDEM NA’AB LA N ŊWALA?>>

39 Toom-be’et dem la ka ba da laɣun kpa la nkɔ̃ n da to’ot Yezu yet yii, <<Nyɛ ka la Fããt laa? Fããgim I mɛŋ bah ka fãã tam mi!>>

40 Ka u taraan la tãh u yet yii, <<I pu zot Na’ayene, yi nyɛ ni buraaga sããhug la laɣun a la bukɔ̃laa? 41 Sera, tam namehuga a la la sɔr, lan zugo, tam dɛ’ɛgira ti toom-be’et la ŋwɔɔt, ka buraaga pu tom be’eogo?>>

42 Ka pana yel yii, <<Yezu, ti tẽr n yel Nyɛ n ti tã I na’am so’olum la ni na?>>

43 Ka Yezu lebih yii, <<Yelemɛŋir ka N yet i wa, nyɛ ni Mam nan be Na’ayen So’olumi la zina?>>