Luk 6

Burase’e nu’ug n kpi la

6 Vo’ohug daar dikɔ̃ ka Yezu da kpɛ̃ Na’ayen dobil la niŋa ti pa’an, ka buraa kakɔ̃ da be ni ka u nu’ug kpi. 7 Ka gban-mi’irib ni Farasiinam la behit Yezu yi ba nyɛ nyaa U nan teb nirib vo’ohug dabihir laa, la n nan iŋ se’em ka ba tɔ’ɔn zɛrig U. 8 U da poɣum mi ban tẽ’ẽhit se’em mi, ka yel bura-nukpiuŋ la yii, <<Kem na zɛ’ɛl nir woo tɔɔn kpela?>> Ka u da dɔɔ zɛ’ɛl.

9 Ka Yezu yel ba yi, <<Mam bɔ’ɔh ya mi, la nar yi i iŋ som bee be’em vo’ohug daar la, i fãã vom bee i ko'?>>

10 U da beh kaa ba waabi, ka yel u yii, <<Tɛ̃ɛ̃gum i nu’ug la?>> Ka u iŋ yela nɔɔ, ka u nu’ug la leb tar paŋ.