Muna Njailosi ua mumbanda na mpuevo uje uakuatele ku kazaku ka Yesu
18 Tele Yesu acilinakuhandeka navo, taleni muka kuyula ua Vayunda uezile kuli ikeye nakumutsikamena, uahandekele nguendi, "Munange ua mumbanda natsi hano vene, vuno honi ija nakumusaleka livoko liove, kaha akayoya."
19 Kaha Yesu uakatukile nakumukava hamo na vandongisi vendi.
20 Kaha taleni, mpuevo uje uayandele ku mushongo ua kuhita maninga ha miaka yakupua likumi na ivali uezile munima yendi kaha uamukuatele ku mukunduilo ua kazaku kendi, 21 muomu uahandekele kuli ikeye vavenia nguendi, "Nga njikuata lika ku kazaku kendi kaha njikanguka."
22 Omo Yesu uatengulukile uamumuene kaha uahandekele kuli ikeye nguendi, "Simpa, munange ua mpuevo, lutsilielo luove luakukanguisa." Kaha hajevene uje mpuevo uakangukile.
23 Kaha omo Yesu uakovelele mu njivo ya uje mukuluntu ua masualale, uamuene vaje vakakuimba miaso yaha viakutsa na civunga cakele nakulila,
24 Kaha uahandekele nguendi, "Tuhukeni! Muomu ou muanike uampuevo katsile vuno honi nakosa lika." Kaha vamujolele. 25 Vuno honi omo civunga catuhukile hambanza, uakovelele mukati kaha uakuatele uje muanike uampuevo ku livoko nakumuhindula, kaha uje muanike uahindukile. 26 Kaha muzimbu ou ualishanduokelele mu nganda yoshe ije.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)