Apocalipse 22

Kering reuki

1 Pecai tinggimgwabe kering dui reuki de acu keulia, crystal nzwa mcigi. Cide Tinggwang nah Meurünna hegwangbam gade lwa mie 2 namdibe puidiki sum ga lwa hung. Hereukikung lule ailam kering tsingbang petsi ketsamtsam kereiekena bui eh hekei ramsang petsi bui beula. Tsingbang neidung de au heleuhdung de teimmi lu kerane.✝22:2 Eze. 47:7 3 Nah cika reset kera magede bam silak. Tinggwang nah Meurünna hegwangbam namdi cika bam zie, nah pe kilamedung pe gwa tei zie.✝22:3 Zec. 14:11 4 Penui pe zu ngau zie,*22:4 Penui pe zu ngau zie: Penui pe dwaga bammui zie, nah pe kendu ngau lubui. nah pe zi penui sipiedung ga la zie. 5 Cika tingmui bam si lakta, nah penui mitaubung mede tingnaimiak teu si lakta kedanemene Rampaube Tinggwang ne kebaabe dizie nah penui kelungta hegwang tei zie.