João 20

Jisu Thomas depeu ngaukegai

24 Dede Thomas, kereiekena kakde hangge be, Didymus de qu kelabe, Jisu kegwang dau penuide ngngwa bam ma. 25 Cine caisuimedung kedame pecaine pe dage ranggai, "Anui au Rampaube de ngauda." Dede pa penui dage rangdi, "Ih pe ba kena ga hegeu zam ngau, nah a zurang pwa hegeu zam gage kai, nah Ih a ba pwa pe hezak gage kai kemaktane, Ih nlum gailak."

26 Lang hesetne cai pe caisuimedung kilungga bam dai, nah Thomas penuide ngngwa bam. Kikam ngkuipwa bam ge Jisu gwang, delwe penui kakga saplu, nah rangdi, "Lungciep nnui da bam kelube tei lulo." 27 Pecai pa Thomas da rangdi, "N zurang aika hetwapet lo nah a ba kena pie lulo. N ba aika hetwapet lo nah a hezak gage kai lulo. Nlum tadi kecu tei helo, dede nlum lulo." 28 Thomas samkeligai nah pe dage rangdi, "A Rampaube nah a Tinggwang." 29 Jisu pe dage rangdi, "Nang acu ngau kelu ziemne, nang nlum luda. Acu ngau mene, nlum kelume au samlam pungtu lie."