1 नोहाअ पोर्‍या शेम, हाम, आन येपेत ओता; तियांआं पोर्‍ये रेलेए फासाड़ी उबज्ये: तियांआं पारवाड़ी ए होय. 2 येपेतोअ पोर्‍या: गोमेर, मागोग, मादी, यावान, तुबल, मेशेक, आन तीरास ओवा. 3 गोमेरोअ पोर्‍या: अशकनज, रीपत, आन तोगार्मा ओवा. 4 आन यावानोअ पारवाडीम एलीशा, आन तार्शीश, आन कित्तीम, आन दोदानी माअहें ओवे. 5 यांआं पारवाड़ी दोऱ्याआ टेकोपोऱ्याआ बिगर यहुदीइ देसोमेहें एहलेहे वाटाइत गोये के ते राज्या राज्यामेहें बाशाआ, कुल आन जातीइ पुरमाणे आलाग आलाग ओत गोये.

6 हामोअ पोर्‍या: कूश, मिसर, फूत आन कनान ओवा. 7 आन कूशोअ पोर्‍या सबा, हवीला, सबता, रामा, आन सबूतका ओवा. आन रामाआं पोर्‍या शबा, आन ददान ओवा. 8 कूशोअ पारवाड़ीमेहें निम्रोद बी ओवू; धरतीपोअ पेल्लुउ बाहादीर तोज ओवुहू. 9 यहोवाआ नजरेम सेक्तीमान पारद्यू रोमनारु तोज ओवू, तिहींज वाअहीं, "निम्रोदोअ होस यहोवाअ नजरेम सेक्तीमान सिकार रोमनारु एहें कोत माग काडतेहे." 10 तियाआ राजोअ सुरवात शिनार देसोम बाबेल, एरेख, अक्कद आन कलनेम रोत ओवी. 11 तिया देसोम रोत तो निहीत कोइत आश्शूर देसोमेहें गोयु, आन निनवे, रहोबोतीर आन कालह, 12 निनवे आन कालहोअ विसमेहें जो रेसेन होय, तियाहा बी बोहाड़्यो; आन वोडो होयर ओंज ओवो.

13 मिसरोअ पारवाड़ीमेहें लूदी, अनामी, लहाबी, नप्तूही, 14 आन पत्रुसीम, कसलूही आन काप्तोरी माअहें ओवे, कसलूहीमेहें रोत ताम पलिश्ती माअहें निहींये.

15 कनानोअ पारवाड़ीमेहें तियाआ डायु पोर्‍यू सिदोन, तियाआ फासाड़ी हित्ती, 16 यबूसी, एमोरी, गिर्गाशीत, 17 हिव्वी, अर्की, सीनी, 18 अर्वदी,समारी, आन हमाती माअहें बी ओवे; ताहरीइ कनानीइ जात बी पसरीत गोयी; 19 आन कनानी माअहुंउं हींव सिदोनोअहीं रोत गरारोअ वाटेहे तोइत गाजा जाआं आन फाशीइ सदोम आन गोमोरा आन अदमा आन सबोयीमोअ वाटेहे तोइत लाशा जाआं पोसर्‍यीते. 20 हामोअ पारवाडीम एंज माअहें ओवे, आन एं आलाग आलाग कुलोअ, बाशाआ, देसोअ, आन जातीइ पुरमाणे आलाग आलाग ओत गोये.

21 शेम, जो आखी एबेर पारवाड़ीइ डायु माटी ओवू, आन जो येपेतोअ डायु पाही ओतू, तियाआ बी पोर्‍या उबज्या. 22 शेमोअ पोर्‍या: एलाम, आश्शूर, अर्पक्शद, लूद आन अराम ओवा. 23 अरामोअ पोर्‍या: ऊस, हूल, गेतेर आन मश ओवा. 24 आन अर्पक्शदे शेलहहो, आन शेलहहे एबेरोहो जल्म आप्यो. 25 आन एबेरोहो बेन पोर्‍या उबज्या, एकाआ नाव पेलेग यावाअहीं मिकाअयो, काहाके तियाआ दिहोम धरती वाटाइत गोयीते, आन तियाआ पायहोअ नाव योक्तान ओतो. 26 आन योक्ताने अल्मोदाद, शेलेप, हसर्मावेत, येरह, 27 हादोराम, ऊजाल, दिक्ला, 28 ओबाल, अबीमाएल, शबा, 29 ओपीर, हवीला आन योबाबोहो जल्म आप्यो: एज आखा योक्तानोअ पोर्‍या ओवा. 30 तियांआं वोहती मेशाम रोत ते उक्तामा वोल्याआ सपारा नावोअ डोगोअ वोल जानारी वाटेए जागे जाआं ओवी. 31 शेमोअ पोर्‍या एज ओवा; आन ए आलाग आलाग कुलोअ, बाशाआ, देसोअ, जातीइ पुरमाणे आलाग आलाग ओत गोया.

32 नोहाअ पोऱ्याआ पिड़ी एज ओवी: आन तियांआं जातीइ पुरमाणे तियांआं पारवाड़ी एज होय; आन रेलेए फासाड़ी धरतीपोर्‍यीइ जातीं यींज मेहें रोत वाटाइत गोयी.