उत्पत्ती 11

5 जाहां माअहें होयर आन टावर बोणावे वोल्ये, ताहां तियांहां पालीइलाअ कोअते यहोवा उतरीत आयू. 6 आन यहोवा देवे कोयो, "आंय की पालोहो के आखे एकाज टोलाआ होय, आन बाशा बी तियां आखाअ एकुज होय,आन तियां एहलोहोज काम बी सुरु कोअयोहो; आन ओमे जो किबी ते कोइलाआ कोशित कोए, तियामेहें रोत किज बी तियांआं काजे सादो ने रोनारो. 7 तियाहा काजे आवा, आपू उतरीत कोइत यांआं बाशामेहें गड़बड़ी टाकत्ला, के एं एकान बिहीराअ गोठी ने समजीत सेके." 8 एहेंकोइत यहोवा तियांहां तिहीं रोत पुरी धरतीइ उपोअ वेरी देदे; आन तियां तिया होयरोहो बोणावीइला सोड़ी देदो. 9 तिहींइं काजे तिया होयरोअ नाव बाबेल*11:9 बाबेल इब्रीमेहें "बाबेल" मोन्ज्ये गड़बड़ पोड्यो; काहाके पुरी धरतीइ बाशामेहें जे गड़बड़ी होय, ते यहोवा तिहींज टाकल्यी, आन तिहींज रोत यहोवा माअहुंहूं पुरी धरतीइ उपोअ वेरी देदे.