18 फाश्योअ यहोवा देवे कोयो, "माहुंउं एखलो रोअलोअ नाहां हाजो; आंय तियाआ काजे एक एहेलोहो हाती बोणाविहीं जों तियाअरी सान्बाय." 19 आन यहोवा देव कादवोमेहें रोत आखी जातीइ कोर्येए जनवारे, आन जुगोमेर्येए आखी जातीइ सिड़े बोणावीत कोइत आदामोअ जागे पाले तेहें काजे लेत गोयू, के तो तियांआं कि कि नावे मिकेहे; आन जिया जिया जिवता जनवारोअ जों जों नाव आदामे मिक्यो, तोंज तियाआ नाव ओत गोयो.2:19 भजन 8:6 20 ताहां ये मोनवी आखी जातीइ कोर्याआ जनवारोअ आन जुगोमेएं सिड़ाआं, आन आखी जातीइ धरतीपोऱ्याआ जनवारोअ नावे मिक्ये; पोन आदामोअ काजे कोडो एहेलोहो हेंगात ने जोड़्यो जों तियाअरी सान्बात सेके. 21 ताहां यहोवा देवे आदामोहों वोडी निंदेमेहें पाड़ी देदू, आन जाहां तो हुवीत गोयु, तेहेलाम तिये तियाआ डिलोमेहें रोत एक पाहलो काडीत कोइत तियाआ जागापोअ माहां पोई देदो. 22 आन यहोवा देवे तिया आदामोअ पाहलाआ बोईं बोणावी देदी; आन तियीही आदामोअ जागे लेत आयू. 23 ताहां आदामे कोयो,
"ओमे ए माआं आडोमेर्योअ आड
आन माआं माहोंमेर्योअ माहां होय;
तियाहा काजे यीइ नाव बोईं रोय,
काहाके यीही माट्योमेहें रोत काड्यीही."2:23 उत्प 19:14; 2 शमु 5:1; 1 करिन्थ 11:8; 1 तिम 2:13; मत्तय 19:5; 1 करिन्थ 6:16; इफिस 5:31
24 याआ कोअते माटी तियाआ आयहीन आब्हाहा सोड़ीत तियाआ लाडीइरी मिलीत रोय, आन तें बेनु एक डिल बोणीत रोये.2:24 मत्तय 19:5; मार्क 10:7,8; 1 करिन्थ 6:16; इफिस 5:31
25 आदाम आन तियाआ लाडी बेनू उगड़ाअलेज ओते, पोन ने तें लाजवाअतेते.