Ayohana 1

45 Afilipo akaakolela Anatanaeli na kwaalobholela, "Tunkolile Ayesu bha ku Nazaleti, mwana jwa Ayosefu jonijola Amusa jwaakajandika ngani yabhe mu chitabu cha Malagilo, na yakubhee akaalondohi bha Annoongo bhakajandika ngani yabhe." 46 Anatanaeli akaakonya Afilipo, "Bholi, chilebhe chammbone chikombola kubhoka ku Nazaleti?"

Afilipo akaajangula, "Nhike nnole." 47 Penipala Ayesu pabhakabhona Anatanaeli atendakwahikila, akalobhola, "Nnolange! Hojo nga Aisilaeli mwene, nkati jabhe jwanga unami." 48 Anatanaeli akaakonya, "Henela nkombwilebholi, kumanya nenga?" Ayesu akaajangula, "Tangu Afilipo bhangankema pankibha pahi ja nkongo gwa ntini, nenga nakammanya." 49 Penapo Anatanaeli akaalobholela, "Bhannyigana, mwenga nga Mwana jwa Annoongo. Mwenga nga Amwenye bha chilambo cha ku Isilaeli!" 50 Ayesu akaalobholelanga, "Bholi, nhobhalile kwakubhee ndekunnobholela pankibha pahi ja ntini? Mpakulola makolongwa muno kupunda gangani." 51 Ayesu akaalobholelanga, "Ndendakunnobholelanga kweli, mpakulolanga kunani kwa Annoongo kubhikujogoka na akaatumichi bha kunani bha Annoongo bhabhikukwelanga na kutuluka ligongo lya Mwana jwa Mundu."