João 21

Ayesu atendakwapekea malagilo Apetulo

15 Pabhakajomolanga kulyee, Ayesu akaakonya Asimoni Apetulo, "Bholi, Asimoni, mwana jwa Ayohana! Ntendakumbala nenga kupunda abha bhangi?"

Nabhena akajangula, "Eloo Hangwana, mwenga muhimanyi nenga ndendakumpala."

Ayesu akaalobholela, "Mwapekee chakulya bhanangondolo bhangu." 16 Ngapena Ayesu akaakonya pabhele Apetulo, "Asimoni mwana jwa Ayohana, ntendakumbala?"

Apetulo akaajangula, "Elo, Hangwana muhimanyi kubhee mwenga ndendakumpala."

Ayesu akaalobholela, "Nnolekee bhanangondolo bhangu." 17 Akaakonya kabhele Apetulo patatu, "Asimoni mwana jwa Ayohana, ntendakumbala?"

Apetulo akahechuka muno kwa kubhee Ayesu akaakonya patatu, "Ntendakumbala?" Akaajangula, "Hangwana, mwenga ntendakugamanya goha, ntendakuhimanya kubhee ndendakumpala." Ayesu akaalobholela, "Mwapekeange chakulya bhanangondolo bhangu.