João 4

46 Henela Ayesu akahika kabhele konokwe ku chilambo cha Kana, chilambo cha ku Galilaya, kwakola kubhakagalambua machi kubhee divai. Penapo pakibha na akolo jumo kwaajibha na kakombo jwaakibha na ntamwa konokwe ku Kapelenaumu. 47 Akolo bhenabho pabhakajoa kubhee Ayesu abhokite ku chilambo cha Yudea na kuhika chilambo cha Galilaya, akaajendelela na kwaajopa ajaule kunnamia mwana jwabhe jwaakibha ntamwa kubhandikila na kujomoka. 48 Ayesu akaalobholela, "Mwenga handa ngabhonanga hilolelo na yakangachika ng’o ngakombola kuhobhalela."

49 Anachilongola jonojwe akaalobholela, "Mwe mwakolo, choonde tujende tangu kakombo jwangu jwangajomoka."

50 Ayesu akaalobholela, "Nnyaule tu, mwana jwinu atekulama."

Mundu jonojwe akahobhalela malobhe gabhakalobholelwa na Ayesu, akabhoka akajaula. 51 Pabhakibha tangu nndela, akakongana na bhatumichi bhabhe bhakaalobholela kubhee, "Kakombo jwinu alamite!"

52 Bhakaakonyanga muda niki kakombo jwabhe pabhakalama, na bhenaangota bhakannobholela, "Licho muda gwa saa saba muhi, chitamwa chikaaleka." 53 Ngapena atati jwa jono kakombo akakombokela kubhee gukibha muda gogogo nga pabhakalobholelwa na Ayesu kubhee, "Kakombo jwinu alamite." Henela akaahobhalela Ayesu bhenabho pamo na bhandu bhoa bha kwaachabhe.

54 Heche nga chikibha chilolelo cha bhele chibhakatenda Ayesu pabhatendita kubhoka ku chilambo cha Yudea na kujala Galilaya.