34 Ngapena Ayesu bhakalikema lyenilyela lilubhalo likolongwa lya bhandu pamo na bhanapunji bhabhe, akaalobholelanga, "Handa amundu bhoabhala bhabhapala kungagula nenga, nga ipaalikwa bhachikane oti bhene, bhakondeke kulaga hata kujomoka ligongo lyangu nenga, bhangagule. 35 Kwa kubhee amundu bhoabhala bhabhapala kuguokoa umomi gwabhe mwene, bhapakugahobhea, nambo amundu bhabhapakuguhobhea umomi gwabhe ligongo lyangu nenga na ligongo lya Ngani Jammbone, bhapakugahokoa. 36 Bholi, mundu bhapakupata na gammbone niki handa bhachipatite chilambo choha na kuguhobhea umomi bwabhe? 37 Amundu bhapakubhoa chilebhe niki ili bhakombole kugubhujia umomi gwakwe? 38 Amundu bhoabhala bhabhanibhonela honi nenga na malobhe gangu mu chibhelei chenjeni cha ngoongola na chichilemwitinge, nenga Mwana bha Amundu, mbakwaakana amundu bhenabho, penipala pabhapakuhika mu nng’anyimo gwa Atati bhabhe pamo na akaapangana mahengo bha kunani kulihunde bha Hangwana."