Nghani za kwaathangatila wandhu wina
1 Yesu wadaendekela kukamba, "Mkhale maso msadachita vindhu vabwino pamaso pa wandhu kuti akuoneni. Ngati mchita chimwecho, Atate wanu ali kumwamba saakupachani chikho chalichonjhe."
2 "Ndiipo yapo umpacha osauka chindhu chilichonjhe usadauzila kwa wandhu. Usadachita ngati agunghuli umo achitila mnyumba yo komanilana Ayahudi ni mnjila kuti wandhu watamande. Zene nikukambilani achameneo atholandila chikho chao chonjhe. 3 Nambho iwe yapo umthangatila osauka chita chimwecho ata mbwenji wako wa pafupi siwadajhiwa. 4 Chindhu chimenecho sichikhale chisisi kwako, Atate wako yao apenya icho wachichita kwa chisisi siakupache chikho."
Luka 11:2-4
6 Nambho iwe yapo upembhela lowa kuchumba kwako cheka chicheko waapembhe Atate wako yawo saonekana. Ndiipo nawo Atate wako yawo ayaona yobisika siakupache chikho chako."