યોહાન 15

દ્રાક્ષાવેલો અને ડાળીઓ

1 "હું ખરો દ્રાક્ષાવેલો છું અને મારા પિતા માળી છે. 2 મારા માની દરેક ડાળી જે ફળ નથી આપતી તેને તે કાપી નાખે છે, જયારે દરેક ડાળીઓ ફળ આપે છે તે વધારે ફળ આપે તે માટે તે તેમને સોરી નાંખે છે. 3 જે વચનો મેં તમને કહયાં છે તે વડે તમે શુધ્ધ થઇ ગયા છો. 4 મારાંમાં રહો અને હું પણ તમારાંમાં રહું, ડાળી દ્રાક્ષાવેલામાં રહ્યા વિના પોતાની મેળે ફળ આપી શકતી નથી, તેમજ જયાં સુધી તમે પણ મારામાં ન રહો ત્યાં સુધી તમે ફળ આપી શકતા નથી.

5 "હું દ્રાક્ષાવેલો છું, તમે ડાળીઓ છો. જો તમે મારાંમાં રહો, અને હું તમારામાં, તો તમે ઘણા ફળ આપશો. મારાંથી અલગ રહીને તમે કંઈ જ કરી શકતા નથી. 6 જો તમે મારામાં રહેતા નથી, તો તમે ડાળીની જેમ ફેંકી દેવામાં આવે છે અને સુકાઈ જાય છે, આ ડાળીઓને ભેગી કરીને અગ્નિમાં નાખીને બાળી નાખવામાં આવે છે. 7 જો તમે મારાંમાં રહો અને મારા વચન તમારામાં રહે, તો જે કાંઈ તમે માગો તે તમારા માટે કરવામાં આવશે. 8 તમે ઘણા ફળ આપો તેથી મારા પિતાનો મહિમા થાય છે, અને તેથી તમે મારા શિષ્યો થશો.