Lucas 15

4 "Ń a gna nge əzaho lo ń fye n aknyii tagyi, ama gbmanyi n ɓa kwaa wo ɓwi. Wo taa fa ngwnu shiciwagbmanyi ncei ciwagbmanyi zhi ń bmana, wa vyi əknyi ɓwuɓwui yi apita, sai əsa n wa gye kwo əwye m? 5 Nlonu she wo gye kwo əwye, wa la kwo tu n əwo agbegbegye n agbmadai 6 wa lo apyi. Nlonu wo yi əwo anugwnudo ɓədo n əwo akwnuzhiyii wa gna ɓa, ‘Fye dagbma n mii; mi la gye əmi əknyi ɓwuɓwui əwye.’ 7 Mi gna fye nge, n ɓwasnu nlai nu dna n əshemi, n a ɓə nya agbmada n mwa ntu leifyizhniyi gbmanyi ɓo, n wa yeabwi n du aɓəfyeceyi shiiciwagbmanyi ncei ciwagbmanyi n ɓa to n abwuye apmai lo m.