Matiyu 4

Yeisu yi amwutuyi kpmisnuyi

18 Shi Yeisu ɓə lo woi znazna ma ń Gəlili shikwo əgbe, wa gye əza n əwodoi, Sima ń a yi Byitusu nyi n əwodoi Anduru. Ɓa ɓə fyi ɓai she əsa nu n nuwna-znudna, ntuge ɓa ɓə zhni abmyawnayi nu. 19 Yeisu wa gna, "Fye ɓe, fya vyi mi, jesnu mi ɓə tnu n fyei, fya wna aza ngye abmya." 20 N əsagbmanyii ɓa ya əɓa asa zhi, jesnu ɓa vyi wo.

21 Wa laka ń abaayi lo abye, wa gye əza ń əwodoi, Jemyis Zebədi nugwnu n kwnusnu n əwodoi Yohana. Ɓa ɓə fyi n əya nuwnanya nu ɓədo n əɓa dadai Zebədi, ɓai zhni əɓa asa aba. Yeisu wa yì ɓa, 22 jesnu nsayisayii, ɓa fa əya nuwnanya n əɓa dadai ɓa vyi wo.