Jó 28

12 Ado ke mmọọ ke ekeme edikịt aniọñ?

Ke mmọọ ke ndiọọñọidem adʌñ?

13 Awo ndomokeed ikemeke adidiọọñọ ekọmudua amọ;

awo ikemeke adikịt anye ke isọñ mme aduuwem.

14 Esịd isọñ ate, "Ibaaha ye ami";

inyañ ate, "Ibaaha ye ami."

15 Awo ikemeke adidep anye ye ataa eti kold,

me ekeme edidomo ekọmudua amọ ke silfa.

16 Awo ikemeke adidep anye ye kold a-atooho Ọfia,

ye nsọñudua itiad ọniks me nsọñudua adan isọñ lapis lasuli.

17 Awo ikemeke adiben kold me nsem-nsem itiad mfen ndomo ye anye,

me ekeme adiben anye nte nsọñudua kold.

18 Kọral ye yaspa idotto se edat edomo ye anye;

ekọmudua aniọñ akpon akan mme rubi.

19 Awo ikemeke adiben topas a-atooho Kuus ndomo ye anye;

awo ikemeke adidep anye ye ataa adisana kold.

20 Ke mmọọ ndin ke aniọñ ato adi?

Ke mmọọ ke ndiọọñọidem adʌñ?

21 Ededịp anye ke anyen afịd se idu uwem,

enyʌñ edịp anye mbaak mme inuen anyọñ edikịt.

22 Nsobo ye Ñkpa ete,

"Ñnyịn ikookop mbʌk amọ ke utọñ ñnyịn."