Gênesis 47

7 Yamalhekeru, Nayusufu nkayaakusha athumwanaya, Nayakhobo, awe yaashikuria Nafarao. Nayakhobo nkayaalhapelhelha ibarakha Nafarao. 8 Nafarao nkayaakoha Nayakhobo, "Nri ni iyaakha nchani?"

9 Nayakhobo nkayaakhulha, "Iyaakha cho uthamathama chivaheriye aka munkwahani mwaka mu, chiri iyaakha imia ni makhumi mararu. Chechiyo iyaakha chiyo chiri vakani, ni chiyo chiri cho uhuvahuva, tho khachinaphiyelha iyaakha chaakhanlhe aya manyaathumwanaka, munkwahani mwaya velhaponi va." 10 Baada yo vavawo, Nayakhobo yahaalhapelhelha ibarakha Nafarao, nkayaathama. 11 Paahi Nayusufu nkayaavaha athumwanaya ni manyonnaya mapuro mwi ilhapo yo Umisri. Ilhapo yo chayira chinene vakhiviru ni Uramesesi, yeeshe mapuro aya thoko chaalhehenre aya Nafarao. 12 Nayusufu nkayaakhalha aavahaka choolhia athumwanaya, manyonnaya ni ashilhoko aya athumwanaya wo ulhikaana ni attu chaari aya mmanupani mwaya.