1 Alha phi machina o iyari ya Adamu. Ikatema Nlhuku vaamupilhe awe ntu, aamupilhe wo ulhikaana ni Nlhuku mwanene. 2 Oupilhe nlhopwana ni nthiyana, nkaavaha ibarakha, ni weehana "Attu." 3 Adamu vaari aya ntu o iyaakha mia ni makhumi mararu, ahonnyara mwaana mwanlhopwana alhikanne aya, nkaamwiihana nchina nawe Seti. 4 Baada yo unnyara Seti, Adamu nkayaakhalha iyaakha chikina mia nane, nkayaapatta achishaana akina ashilhopwana ni ashithiyana. 5 Adamu nkayaakhwa anari ni iyaakha mia tisa ni makhumi mararu.

6 Naseti vaari aya ni iyaakha mia ni nthanu, ahonnyara mwaana mwanlhopwana, Enoshi, 7 nkayaalhokelha iyaakha mia nane ni saba. Nkaayaracha achishaana ashilhopwana ni ashithiyana 8 nkayaalhokelha iyaakha mia tisa khumi na mbili, nkayaarimelha.

9 Naenoshi vaari aya ni iyaakha tisaini, ahonnyara mwaana mwanlhopwana, Kenani, 10 nkayaalhokelha iyaakha chikina mia nane ni khumi na tano. Nkaayaracha achishaana akina ashilhopwana ni ashithiyana 11 nkayaalhokelha iyaakha mia tisa ni nthanu, nkayaarimelha.

12 Nakenani vaari aya ni iyaakha sabini, ahonnyara mwaana mwanlhopwana, Mahalaleli, 13 nkayaalhokelha iyaakha chikina mia nane arubaini. Nkaayaracha achishaana akina ashilhopwana ni ashithiyana 14 nkayaalhokelha iyaakha mia tisa ni khumi, nkayaarimelha.

15 Namahalaleli vaari aya ni iyaakha sitini ni nthanu, ahonnyara mwaana mwanlhopwana, Yaredi, 16 nkayaalhokelha iyaakha chikina mia nane ni makhumi mararu. Nkaayaracha achishaana akina ashilhopwana ni ashithiyana 17 nkayaalhokelha iyaakha mia nane tisaini ni nthanu, nkayaarimelha.

18 Nayaredi vaapihilhe aya iyaakha imia imoka ni sitini ni mbili, ahonnyara mwaana mwanlhopwana, Enoko, 19 nkayaalhokelha iyaakha chikina mia nane. Nkaayaracha achishaana akina ashilhopwana ni ashithiyana 20 nkayaalhokelha iyaakha mia tisa sitini na mbili, nkayaarimelha.

21 Naenoko vaari aya ni iyaakha sitini ni nthanu ahonnyara mwaana mwanlhopwana, Metusela. 22 Yamalheke vavawo, Naenoko ahokhalha makhalhelho oombone ni unteelhiha Nlhuku. Baada yo unnyara Metusela, aholhokelha iyaakha imia ttarua nkaayaracha achishaana akina ashilhopwana ni ashithiyana. 23 Naenoko nkayaalhokelha iyaakha mia tatu sitini ni nthanu. 24 Ukumi waya wonkhaye Naenoko ahokhalha makhalhelho oombone ni unteelhiha Nlhuku. Nkayaapotera wo uhoonia, ukhalhawaya Nlhuku ahaakusha.

25 Nametusela vaari aya ni iyaakha imia imoka ni themanini ni saba, ahonnyara mwaana mwanlhopwana, Lameki, 26 nkayaalhokelha iyaakha chikina mia saba themanini na mbili, nkaayaracha achishaana akina ashilhopwana ni ashithiyana. 27 Nkayaarimelha vaari aya ni iyaakha mia tisa sitini ni tisa.

28 Nalameki vaari aya ni iyaakha imia imoka ni themanini na mbili, ahonnyara mwaana mwanlhopwana, 29 nkayammaha nchina nawe Nuhu, yeeraka, "Ukhuma vattayani mwaalhaviye ni Apwiiya Nlhuku, ulha mwaana ulha noniwiihera mpuha wo unittuwiha ntheko ihu mulhupalhe." 30 Nalameki nkayaalhokelha iyaakha imia nthanu tisaini ni nthanu. Nkaayaracha achishaana akina ashilhopwana ni ashithiyana. 31 Nkayaarimelha vaari aya ni iyaakha mia saba sabini ni saba.

32 Anuhu vaari aya ni iyaakha imia nthanu, ahaayaracha achishaana araru, Shemu, Hamu ni Yafeti.